Betri Nónhæð eru íbúasamtök í Smárahverfi í Kópavogi sem voru stofnuð 9. ágúst 2007 vegna þeirra breytinga sem átti að gera á Nónhæð efst í Smárahverfi.
Samtökin hafa verið virk í upplýsingagjöf til íbúa og komið sjónarmiðum íbúa á framfæri við skipulagsyfirvöld og bæjaryfirvöld í Kópavogi.
Eins og flestir íbúar Nónhæðar hafa tekið eftir hefur mikill flugnafaraldur geysað í sorptunnum íbúa. Þar sem almennt sorp er geymt í mánuð og oft í hirslum innandyra (til dæmis í fjölbýlum Arnarsmára) hefur það gefið ávaxtaflugum tækifæri til þess að fjölga sér all gríðarlega.
Fjölmargir íbúar hafa kvartað til Heilbrigðiseftirlits Hafnarfjarðar- og Kópavogssvæðis, eftirlitsmenn þaðan hafa komið til að skoða ýmsar sorphirslur og komið athugasemdum á framfæri við bæjaryfirvöld.
Nú er sorpflokkunartilraunin orðin rúmlega eins árs og tími kominn á endurskoðun. Það er mat fjölmargra að núverandi skipulag sé ekki að virka þar sem mánaðarlöng geymsla sorps sé óviðunandi. Það er hagur allra sem hafa skoðun á þessu máli að koma eigin athugasemdum á framfæri til bæjaryfirvalda.
Betri byggð á Kársnesi sendi 5 spurningar á stjórnmálaflokkana vegna kosninganna.
Svör bárust frá öllum nema Framsóknarflokki. Á vef BBK má lesa svör framboðanna.
Íbúasamtökin höfðu samband við Íslenska gámafélagið í kjölfar aðalfundar samtakanna þar sem vakin var athygli á markpósti þar sem tilgreind var upphæð fyrir grænar tunnur. Íslenska gámafélagið sendi eftirfarandi leiðréttingu.
» Read more: Leiðrétting frá Íslenska gámafélaginu
Íbúasamtökin Betri Nónhæð boða til aðalfundar miðvikudaginn 14. apríl 2010 klukkan 20:00 í fundarsal Smáraskóla.
Viðhengi: Fundarboð og skýrsla stjórnar
Ágæti íbúi Nónhæðar
Kristján Snorrason hefur, fyrir hönd KS-verktaka, boðað íbúa Foldarsmára 2-22 til „samráðsfundar um skipulag Nónhæðar“¹. Boð Kristjáns um samráð er merkingarlaust nema hann ráði skipulagi Nónhæðar².
Samkvæmt Skipulags- og byggingarlögum fer skipulagsnefnd með skipulagsmál undir yfirstjórn sveitarstjórnar. Stjórn samtakanna Betri Nónhæð hefur átt fund með sviðsstjóra Skipulags- og umhverfissviðs Kópavogs um skipulagsmál svæðisins. Nýlega óskaði sviðsstjórinn eftir framhaldi viðræðna. Stjórnin tók ósk sviðsstjórans vel en með ákveðnum fyrirvörum þó. Þrátt fyrir þetta
boðar Kristján Snorrason samráðsfund um skipulag Nónhæðar með íbúum Foldarsmára 2-22. Af þessum sökum hyggst stjórn samtakanna kanna hjá skipulagsyfirvöldum Kópavogs hvort Kristján Snorrason:
Fyrir hönd stjórnar samtakanna Betri Nónhæð
Ásmundur Hilmarsson
1) Sjá viðhengi: KS fundarbod 090908.
2) „Allt land innan Fífuhvammsvegar, Smárahvammsvegar og Arnarnesvegar er
talið með í flatarmáli Nónhæðar.“, Aðalskipulag Kópavogs 2000-2012, bls 18
3) „Þegar að loknum sveitarstjórnarkosningum metur sveitarstjórn hvort
ástæða sé til að endurskoða aðalskipulagið. Um málsmeðferð á endurskoðaðri
áætlun fer sem um gerð nýs aðalskipulags væri að ræða.“
Á fundi bæjarstjórnar þann 28. júlí var einróma samþykkt að fela bæjarstjóra að undirrita Ólafsvíkuryfirlýsinguna. Með því að samþykkja hana heitir bæjarstjórnin því að leggja sitt af mörkum til sjálfbærrar þróunar, meðal annars með því að virkja íbúa, félagasamtök og aðra í verkefnum sem tengjast Staðardagskrá 21.
Það er einlæg von íbúanna að bæjaryfirvöld standi við þetta og hafi samráð við íbúa og félagasamtök þeirra, það er engin tilviljun að íbúasamtök hafa risið upp í Kópavogi undanfarin ár vegna einhliða ákvarðana bæjaryfirvalda.
Sæl öll
Eins og þið hafið kannski tekið eftir þá auglýsti skipulagsstjóri Kópavogs, í dagblöðunum á laugardag, kynningarfund vegna Glaðheimasvæðisins n.k. þriðjudag.
Að vanda sjá þeir (fulltrúar Kópavogsbæjar) sér ekki annað fært en að auglýsa jafn mikilvægar breytingar á skipulagi þegar flestir eru farnir í sumarfrí.
Fyrir nokkrum dögum síðan rann út frestur til þess að gera athugasemdir við skipulagið og nú á að kynna öll herlegheitin, 30 hæða turn með meiru.
Glaðheimasvæðið er ekki bara umhugsunarefni fyrir íbúa Lindarhverfis heldur einnig alla þá sem búa í og við Kópavogsdalinn.
Ég hvet alla sem eiga kost á því að, mæta á fundinn og gera athugasemdir við þessar „kreppu hugmyndir“.
Kv. Árni Jónsson
Ráðstefna Skipulagsstofnunar 30. apríl 2009 um skipulag borga/bæja með manninn í öndvegi, sem Skipulagsstofnun stóð fyrir þann 30.apríl 2009 – Að móta byggð – er komin á vef Skipulagsstofnunar. Sjá hér næst.
http://www.skipulag.is/focal/webguard.nsf/key2/index.html?OpenDocument
Ráðstefnan var mjög forvitnileg og vert að skoða alla fyrirlestrana. Þó vil ég sérstaklega benda á fyrirlestur Steffen Gullman stofnanda 11City-Design. Hann talaði út frá því að skipuleggja yrði borgir/bæi út frá íbúum hverrar borgar fyrir sig. Annað gengi aldrei upp. Sjá hér næst.
http://www.skipulag.is/focal/webguard.nsf/Attachment/SG_Island_maj2009/$file/SG_Island_maj2009.pdf
Skoðið þetta endilega. Ráðstefnan var mjög vel heppnuð og gott að hún er öll inná vefnum.
Komið þið sæl öll.
Það eru e.t.v. margir sem hafa séð jarðrask það sem er á Nónhæð hjá leikskólanum. Þarna ætluðu KS verktakar ehf. að gera geymslusvæði fyrir vinnuvélar og ýmis tæki. Ekki þarf að taka það fram að þetta er algjörlega ólöglegt og hefur byggingafulltrúi stoppað þessar framkvæmdir.
Send hafa verið formleg mótmæli inn á fund Bæjarráðs með vísan í gildandi aðalskipulag og var það erindi tekið fyrir fimmtudaginn 27. nóvember 2008 eftir því sem best er vitað. Þar er þessu jarðraski harðlega mótmælt og farið fram á að verktakanum verði gert at slétta úr og tyrfa svæðið.
Beðið er niðurstöðu frá þessum fundi en hægt verður er að skoða fundargerð bæjarráðs á vef Kópavogsbæjar. Við munum senda til ykkar niðurstöðu bæjarráðsfundarins og hvaða afgreiðslu þetta mál fær í framhaldinu.
Einnig viljum við benda fólki sem áhuga hefur á skipulagsmálum að hlusta á þátt sem heitir Krossgötur og er á rás 1 í Ríkisútvarpinu kl 13:00 nk laugardag 29. nóvember. Þar verður fjallað um skipulagsmál og íbúasamtök. Einnig er hægt að hlusta á þennan þátt og eldri þætti á vefútvarpi ríkisútvarpsins. Mikið hefur verið fjallað um skipulagsmál í þessum þætti.
Bestu kveðjur
Guðrún Benediktsdóttir
Formaður íbúasamtakanna Betri Nónhæð
© 2010 Betri Nónhæð · Proudly powered by WordPress & Green Park 2 ritaði Cordobo.
Valid XHTML 1.0 Transitional | Valid CSS 3
